இலங்கையின் முன்னாள் ஜனாதிபதி கோட்டாபய ராஜபக்ஸ, சிங்கப்பூரில் தங்கியிருக்கும் காலப்பகுதியை மேலும் நீடிக்கக்கூடும் என சிங்கப்பூரின் த ஸ்ரைட்ஸ் டைம்ஸ் The Straits Times பத்திரிகை செய்திவெளியிட்டுள்ளது.
கோட்டாபய ராஜபக்ஸவிற்கு இரண்டு வாரகாலப்பகுதிக்கு முன்பு வழங்கப்பட்ட குறுங்கால விஸா மேலும் 14 நாட்களுக்கு நீடிக்கப்பட்டுள்ளதாக அறியமுடிவதாக அப்பத்திரிகை மேலும் தகவல் வெளியிட்டுள்ளது.
இலங்கையின் அமைச்சரவைப் பேச்சாளர் பந்துல குணவர்த்தன நேற்றையதினம் இடம்பெற்ற ஊடகவியலாளர் மாநாட்டில் கோட்டாபய ராஜபக்ஸ மீண்டும் நாடுதிரும்புவார் எனத் தெரிவித்திருந்த நிலையிலேயே தற்போது சிங்கப்பூரில் அவரது குறுங்கால விஸா காலம் நீடிக்கப்பட்டுள்ளமை குறிப்பிடத்தக்கது.
இலங்கையில் கடந்த ஜுலை 9 திகதியன்று போராட்டங்கள் தீவிரமடைந்து ஜனாதிபதி மாளிகையைப் போராட்டக்காரர்கள் கைப்பற்றியதையடுத்து ஜுலை 14ம் திகதியன்று 73 வயதுடைய கோட்டாபய ராஜபக்ஸ மாலைதீவில் இருந்து சிங்கப்பூரின் சங்கி விமானநிலையத்தைச் சென்றடைந்தமை குறிப்பிடத்தக்கது.