ஆப்கானை வீழ்த்தி இலங்கை அணி திரில் வெற்றி!

ஆசிய கிண்ண ரி20 தொடரின் தற்போது இடம்பெற்றுவரும் சூப்பர் 4 சுற்றின் முதலாவது போட்டியில் இலங்கை அணி ஆப்கானிஸ்தான் அணியை வீழ்த்தி வெற்றிபெற்றுள்ளது.

இலங்கை அணிக்கு ஆப்கானிஸ்தான் அணி 176 என்ற வெற்றி இலக்கை நிர்ணயித்த நிலையில் அபாரமாக துடுப்பெடுத்தாடிய இலங்கை அணி 19.1 ஓவரில் வெற்றி இலக்கை அடைந்தது.

போட்டியின் நாணய சுழற்சியில் வெற்றிப் பெற்ற இலங்கை அணி முதலில் துடுப்பெடுத்தாட ஆப்கானிஸ்தான் அணிக்கு அழைப்பு விடுத்தது.

அதன்படி, முதலில் துடுப்பெடுத்தாடிய ஆப்கானிஸ்தான் அணி நிர்ணயிக்கப்பட்ட 20 ஓவர்கள் நிறைவில் 6 விக்கெட் இழப்பிற்கு 175 ஓட்டங்களைப் பெற்றுக் கொண்டது.

ஆப்கானிஸ்தான் அணி சார்பில் ரஹ்மானுல்லாஹ் குர்பாஸ் அதிகபட்சமாக 84 ஓட்டங்களைப் பெற்றுக் கொண்டார். இப்ரஹிம் சத்ரன் 40 ஓட்டங்களைப் பெற்றுக் கொண்டார்.

பந்து வீச்சில் தில்ஷான் மதுசங்க 2 விக்கெட்டுக்களை கைப்பற்றினார்.

இலங்கை அணி சார்பில் போதும் நிசங்க 35, குஷால் மெண்டிஸ் 36, தனுஷ்க குணாதிலக 33, பானுக ராஜபக்ச 31 என்ற அடிப்படையில் ஓட்டங்களை பெற்றுக்கொடுத்தனர்.