சோவியத் யூனியனின் முன்னாள் ஜனாதிபதி மிக்கேல் கோர்பசேவ் மறைவுக்கு ஜனாதிபதி ரணில் விக்ரமசிங்க அனுதாபம் சோவியத் யூனியனின் முன்னாள் ஜனாதிபதி மிக்கேல் கோர்பசேவ்வின் மறைவுச் செய்தியைக் கேட்டு தான் மிகவும் மனம் வருந்துவதாக இலங்கை ஜனாதிபதி ரணில் விக்ரமசிங்க , ரஷ்ய ஜனாதிபதி விளாட்டிமிர் வி.புட்டினுக்கு அனுப்பி வைத்துள்ள அனுதாபச் செய்தியில் தெரிவித்துள்ளார்.
ஏனைய நாடுகளுடன் பங்குடமையை ஏற்படுத்தியதன் மூலம் பூகோள ரீதியான உறவில் புதிய யுகத்தை தோற்றுவித்து வரலாற்றில் பெரும் மாற்றத்தை உருவாக்கிய முக்கியமான உலகத் தலைவர் என்ற வகையில் அவர் என்றும் எமது நினைவில் இருப்பார் என்றும் ஜனாதிபதி ரணில் விக்ரமசிங்க அனுப்பி வைத்துள்ள அனுதாபச் செய்தியில் குறிப்பிட்டுள்ளார்.
இத்துயரமான தருணத்தில் கொர்பசேவ்வின் குடும்பத்தாருக்கும் ரஷ்ய மக்களுக்கும் இலங்கை மக்கள் மற்றும் அரசாங்கம் சார்பில் தனது ஆழ்ந்த அனுதாபங்களை தெரிவிப்பதாக ஜனாதிபதி அனுப்பியுள்ள அனுதாபச் செய்தியில் தெரிவித்துள்ளார்.