நெய்மார் விரைவில் சவுதி அராபிய கழகத்தில்?

பிரேசிலிய கால்ப்பந்தாட்ட வீரர் நெய்மார் 2017ம் ஆண்டு முதல் பிரான்ஸ் நாட்டிலுள்ள பரீஸ் செயின்ட் ஜேர்மெய்ன் கழகத்திற்காக விளையாடிவருகின்றார்.

ஆனால் தற்போது அவரை சவுதி அரேபியாவின் அல் ஹிலால் கழகத்திற்கு விற்பனைசெய்வதற்கு பரீஸ் கழகம் இணக்கம் தெரிவித்துள்ளதாக தகவல்கள் வெளியாகியுள்ளன.

இரண்டு ஆண்டுகள் காலத்திற்கு 98.5மில்லியன் அமெரிக்க டொலர்கள் தொகையும் வேறு பலாபலன்களையும் நெய்மார் பெறத்தக்க வகையில் இந்த ஒப்பந்தம் அமையவுள்ளதாக தெரிவிக்கப்படுகின்றது.

ஏற்கனவே கடந்த வருடத்தில் கிறிஸ்டியானோ ரொனால்டோ பின்னர் கரீம் பென்ஸிமா, சாடியோ மானே போன்ற பிரபல வீரர்கள் சவுதி கழகங்களில் இணைந்துகொண்டுள்ள நிலையில் தற்போது நெய்மாரின் வருகை சவுதியை நோக்கி அனைவரது கவனத்தையும் திருப்பியுள்ளது