அதன்படி, முன்னர் கூறியது போல் ஒக்டோபர் 5 அல்லது 12ஆம் திகதிக்கு பதிலாக செப்டம்பர் 21ஆம் திகதி நடைபெறும் என எதிர்பார்க்கப்படுகிறது.

அரசியலமைப்புச் சட்டப்படி, தேர்தல் அறிவிக்கப்பட்ட பிறகு, 16 முதல் 21 நாட்களுக்குள் வேட்புமனுக்கள் பெறப்பட வேண்டும். மேலும் 28 முதல் 42 நாட்களுக்குள் தேர்தல் நடத்தப்பட வேண்டும்.

இதன் மூலம் தேர்தலை நடத்த ஆணையத்திற்கு அதிகபட்சமாக 63 நாட்கள் அவகாசம் அளிக்க வேண்டும்.

இந்நிலையில், அரசியல் கட்சிகள், தேர்தல் கண்காணிப்பு குழுக்கள் மற்றும் சிவில் சமூக குழுக்கள் தங்கள் பிரச்சாரத்தை முடுக்கிவிட்டுள்ளன.

இதன்படி, கடந்த புதன்கிழமை (ஜூலை 17) முதல், வேட்புமனு தாக்கல் செய்யும் நாள் குறித்த அறிவிப்பை வெளியிட ஆணையத்துக்கு அதிகாரம் வழங்கப்பட்டுள்ளது.

அரசியல் கட்சிகளும் ஏனைய குழுக்களும் தேர்தலை முன்கூட்டியே அறிவிக்கக் கோருவதைத் தவிர்க்க வேண்டும், ஏனெனில் இது ஆணைக்குழுவின் நடவடிக்கைகளில் தலையிடுவதாகக் கருதப்படுகிறது என

தேர்தல்கள் ஆணையாளர் நாயகம் சமன் ஸ்ரீ ரத்நாயக்க கொழும்பு ஆங்கில ஊடகம் ஒன்றிடம் தெரிவித்துள்ளார்.

இதனிடையே, தேர்தலுக்கான வேட்புமனுக்கள் “அடுத்த சில நாட்களில்” கோரப்படும் என்றும், வாக்கெடுப்பு நடத்துவதற்கான ஏற்பாடுகள் சிறப்பாக நடைபெற்று வருகின்றன என்றும் தேர்தல் ஆணைக்குழு தலைவர் ஆர்.எம்.ஏ.எல்.ரத்நாயக்க தெரிவித்துள்ளார்.

இதேவேளை, வேட்புமனுத் தாக்கல் தினம் மற்றும் தேர்தலுக்கு முந்திய பிரசாரக் காலத்திற்கான பாதுகாப்புத் திட்டத்தை தயார் செய்யுமாறு பொலிஸ் மா அதிபர் தேசபந்து தென்னக்கோனிடம் தேர்தல்கள் ஆணைக்குழு, கோரிக்கை விடுத்துள்ளது.

எதிர்வரும் ஜனாதிபதித் தேர்தலில் போட்டியிடும் வேட்பாளர்களின் தனிப்பட்ட பாதுகாப்பை அதிகரிப்பது தொடர்பான அமைச்சரவைப் பத்திரம் ஜனாதிபதி ரணில் விக்கிரமசிங்கவினால் சமர்ப்பிக்கப்பட்டுள்ளது.

இதன்படி, வேட்பாளர்களின் தனிப்பட்ட பாதுகாப்பு ஏற்பாடுகளை மேற்பார்வையிட குழுவொன்றை நியமிப்பதற்கு அனுமதி வழங்கப்பட்டது.

இந்தக் குழுவில் பொது பாதுகாப்பு அமைச்சின் செயலாளர், பாதுகாப்புப் படைத் தலைவர், பொலிஸ் மா அதிபர், தேசிய புலனாய்வுப் பிரிவின் தலைவர் உள்ளிட்டவர்கள் இடம்பெற்றுள்ளனர்.