கனடா மற்றும் அமெரிக்காவுக்குள் உள்ள அகதிகளுக்கான Safe Third Country Agreement ஒப்பந்தத்தை நிறுத்த வேண்டும் என்று சில சமூக அமைப்புகள் கனேடிய அரசிடம் கேட்டுக் கொண்டுள்ளன. அவர்கள், குறிப்பாக, மாற்றுபாலினத்தவர்களும் (transgender) மற்றும் பாலின பல்வேறு அடையாளம் கொண்டவர்களும் பாதுகாப்பாக இருக்க முடியாத நிலை உருவாகும் என்ற அச்சத்தில் உள்ளனர்.
என்ன ஒப்பந்தம்?
2004 முதல் நடைமுறையில் உள்ள Safe Third Country Agreement என்ற ஒப்பந்தம், கனடா மற்றும் அமெரிக்கா இரண்டும் அகதிகளுக்கு பாதுகாப்பான நாடுகளாக இருக்கின்றன என்று கூறுகிறது. இதன் மூலம், கனடா வர முயற்சிக்கும் அகதிகளை, அவர்கள் முதலில் வந்த நாடான அமெரிக்காவில் அடைக்கலம் கேட்க வேண்டும் என்று கூறுகிறது. சில விதிவிலக்குகள் உள்ளன, ஆனால் பலரை கனடா திருப்பி அனுப்புகிறது.
ஏன் நிறுத்தச் சொல்லுகிறார்கள்?
அமெரிக்க ஜனாதிபதி Donald Trump சமீபத்தில் அகதிகளை ஏற்கும் திட்டத்தை நிறுத்தினார். இதனால் LGBTQ+ (லெஸ்பியன்,Gay , டிரான்ஸ்ஜென்டர் போன்ற மாற்றுப்பாலினத்தவர்கள்) பலரும் மோசமான சூழ்நிலைக்கு தள்ளப்பட்டுள்ளனர்.
அதனால், சில மனித உரிமை அமைப்புகள் –
- Canadian Civil Liberties Association
- Canadian Association of Refugee Lawyers
- Rainbow Railroad
இவர்கள் கனடா அரசிடம் இரண்டு கோரிக்கைகள் வைத்துள்ளனர்:
- அமெரிக்காவுக்கு அகதிகளை அனுப்புவதை நிறுத்த வேண்டும், ஏனெனில் அவர்கள் அங்கே தடுத்து வைக்கப்படலாம் அல்லது அவர்களின் சொந்த நாடுகளுக்கு திருப்பி அனுப்பப்படலாம்.
- Transgender, பாலின அடிப்படையிலான வன்முறையிலிருந்து தப்பி வரும் அகதிகள் மீது விதிவிலக்கு வழங்க வேண்டும்.
என்ன நடக்கலாம்?
Canadian Council for Refugees மற்றும் Amnesty International Canada ஆகிய அமைப்புகள், இந்த ஒப்பந்தத்திலிருந்து கனடா உடனடியாக விலக வேண்டும் எனக் கூறுகின்றன. அவர்கள் Trump எடுத்துள்ள முடிவுகள் அகதிகளுக்கு ஆபத்தாகும் என்பதற்கான பல ஆதாரங்களை முன்வைத்துள்ளனர்.
“கனடா, அமெரிக்காவில் அச்சுறுத்தல் அதிகமாக இருக்கும்போது, அகதிகளை அங்கே அனுப்புவது தவறு” என்று அமைப்புகள் Immigration Minister Marc Miller அவர்களுக்குக் கடிதம் எழுதி கேட்டுள்ளன.
இதனால், கனடா அரசு இந்த ஒப்பந்தத்தை நிறுத்துமா, மாற்றுமா என்பதைக் பொறுத்திருந்துதான் பார்க்கவேண்டும்.
செய்தி மூலம்: CTV News