கியூபா போன்ற கம்யூனிஸ்ட் நாடுகளுக்கு எதிராக புதிய வரிகளை அமல்படுத்தக்கூடும் என்று அமெரிக்கா ஜனாதிபதி டொனால்ட் டிரம்ப் நேற்று (30) எச்சரித்தார். குறிப்பாக, கியூபாவிற்கு எண்ணெய் வழங்கும் நாடுகள் மீது கூட புதிய வரி விதிக்கப்படலாம் என அவர் கூறியுள்ளார்.
இந்த நடவடிக்கை தேசிய அவசரகால பிரகடனத்தின் கீழ் நிறைவேற்று அதிகார உத்தரவின் மூலம் உருவாக்கப்பட்டுள்ளது. ஆனால் இதற்கான விவரங்கள்—எந்த வரி வீதம் இருக்கும் அல்லது எந்த நாடுகள் அமெரிக்க வரிகளை எதிர்கொள்ளக்கூடும்—எதுவும் தெளிவாக குறிப்பிடப்படவில்லை.
சமீபத்தில் வெனிசுலா ஜனாதிபதி நிக்கோலஸ் மதுரோவை அமெரிக்க இராணுவம் கைப்பற்றிய சம்பவத்தால் டிரம்ப் கியூபாவிற்கு எதிரான அழுத்தத்தை மேலும் அதிகரிக்க வேண்டும் என்று தொடர்ந்து பேசியுள்ளார். ஒரு காலத்தில் கியூபாவிற்கு பிரதானமாக எண்ணெய் வழங்கிய நாடான வெனிசுலாவால் சமீபத்தில் எண்ணெய் அல்லது நிதி உதவி தரப்படவில்லை என்றும் டிரம்ப் குறிப்பிட்டார், மேலும் கியூபா விரைவில் வீழ்ச்சியடையும் என்றும் அவர் இந்த வாரம் கூறினார்.
டிரம்ப் தனது இரண்டாவது பதவிக்காலத்தில் வரி விதிப்பை வெளிநாட்டு கொள்கை ஆயுதமாக பயன்படுத்தி வருகிறார். இதற்கிடையில், அவர் கியூபாவுடன் ஒப்பந்தம் ஒன்றை அமெரிக்கா செய்ய வேண்டும் என்று பரிந்துரைப்பதை தொடர்ந்து, கியூபா மீது ஒப்பந்தத்தை திணைப்பதற்கான எந்த உரிமையும் அமெரிக்காவிற்கு இல்லை என்று கியூப ஜனாதிபதி இந்த மாதம் தெரிவித்திருந்தார்.