இலங்கை அரச கிளவுட் செயலிழப்பு – பல அரச இணைய சேவைகள் பாதிப்பு

இலங்கை அரச கிளவுட் (Lanka Government Cloud – LGC) சேவையில் ஏற்பட்ட தொழில்நுட்ப செயலிழப்பின் காரணமாக, பல்வேறு அரச நிறுவனங்களின் இணைய சேவைகள் தற்காலிகமாக பாதிக்கப்பட்டுள்ளன என்று இலங்கை தகவல் தொடர்பாடல் தொழில்நுட்பச் சேவை நிறுவனம் (ICTA) தெரிவித்துள்ளது.

இந்த இடையூறுகளை சரிசெய்ய பொறியாளர்கள் மற்றும் சேவை வழங்குநர்களைக் கொண்ட குழு 24 மணிநேரமும் இடைவிடாது பணியாற்றி வருவதாகவும் ICTA அறிவித்துள்ளது.

எனினும், இந்த சம்பவத்தால் எந்தவிதமான தரவு இழப்போ அல்லது பாதுகாப்பு மீறலோ ஏற்படவில்லை என்றும், அனைத்து தரவுகளும் பாதுகாப்பாக உள்ளன என்றும் நிறுவனம் உறுதிப்படுத்தியுள்ளது.

மேலும், பொதுமக்களுக்கு ஏற்படும் சிரமத்தைக் குறைப்பதற்காக, பாதிக்கப்பட்ட சேவைகளுக்கு மாற்று வழிமுறைகள் செயல்படுத்தப்பட்டுள்ளன. இதன்படி, பிரதேச செயலகங்கள் வழியாக சான்றிதழ் நகல்கள் வழங்கும் நடவடிக்கைகள் மேற்கொள்ளப்படுகின்றன.

இச்செயலிழப்பால் பாதிக்கப்பட்ட சேவைகளில்,

• பதிவாளர் நாயகத் திணைக்களத்தின் பிறப்பு, திருமணம் மற்றும் இறப்பு (BMD) சான்றிதழ் வழங்கும் அமைப்பு,

• மாகாண மோட்டார் போக்குவரத்துத் திணைக்களத்தின் (மேல் மாகாணம் தவிர) இணையவழி வருமான வரி அமைப்பு (eRL 2.0),

• பொலிஸ் திணைக்களத்தின் பொலிஸ் அனுமதிச் சான்றிதழ் வழங்கும் அமைப்பு,

• வணிகத் திணைக்களத்தின் இணைய வழி நாட்டின் உற்பத்தி சான்றிதழ் முறை,

• ஓய்வூதியத் திணைக்களத்தின் ஓய்வூதிய மேலாண்மை அமைப்பு,

• வளிமண்டலவியல் திணைக்களம்,

• நிறுவனப் பதிவாளர் திணைக்களம்,

• இலங்கை கணக்கியல் மற்றும் கணக்காய்வு தரநிலைகள் சபை உள்ளிட்டவை அடங்குகின்றன.