Thursday, 19 November 2026
நாணய மாற்று 🍁 1 CAD
  • Rs LKR 232.27 ▼ 0.23%
  • ₹ INR 65.23 ▼ 0.24%
  • $ USD 0.6982 ▼ 0.19%
  • € EUR 0.6363 ▲ 0.02%
  • £ GBP 0.5307 ▲ 0.15%
  • A$ AUD 1.0390 ▲ 0.07%
புதுப்பிப்பு: 2026-11-18 23:13
வானிலை
6°C
பெரும்பாலும் தெளிவு
▲ 14° ▼ 4°
  • உணர்வு3°
  • ஈரப்பதம்85%
  • காற்று10 km/h
அண்மைச் செய்திகள்
கனடாவில் சரக்கு ரயில் தடம்புரண்டு விபத்து கனடா முழுவதும் இன்று அவசர எச்சரிக்கை ஒலி சோதனை சீனாவில் ட்ரம்பைச் சந்தித்த பிரதமர் மார்க் கார்னி – 20 நிமிடங்கள் நீடித்த பேச்சுவார்த்தை வரவு செலவுத் திட்டத்தை நிராகரிக்கக் கோரும் எதிர்க்கட்சி – மூன்றாவது நாளாக விவாதம் கனடா முழுவதும் இன்று அவசர எச்சரிக்கை ஒலி சோதனை  ரொனால்டோவுக்கு போர்த்துக்கல் அளிக்கும் அபூர்வ கௌரவம் – இனி 7ஆம் இலக்கம் கூட மாறுகிறது! தமிழ்த் தேசிய அரசியலின் துணிச்சலான குரல் ஓய்ந்தது! – முன்னாள் நாடாளுமன்ற உறுப்பினர் சிவாஜிலிங்கம் நள்ளிரவு காலமானார் 74 நாடுகள் மற்றும் பிரதேசங்களில் மைக்ரோசொப்ட் சேவைத் தடை — ரொறன்ரோ மருத்துவமனைகளிலும் மின்னஞ்சல் பாதிப்பு ஜென்சன் ஹுவாங் குறித்த செய்தியால் கவனம் பெற்ற கிம்பர்லி பவல் யார்? ஆர்க்டிக் பகுதியில் எண்ணெய், எரிவாயு அகழ்வுக்கு தடை – நீக்குவது குறித்து இன்னும் முடிவில்லை ; மார்க் கார்னி

ஒன்பது இலங்கை கடற்படையினர் அமெரிக்காவில் தலைமறைவு :பொருளாதார நெருக்கடி காரணமா?

பகிர்FacebookWhatsAppXTelegram


அமெரிக்கா அன்பளிப்பாக வழங்கிய கடற்படைக் கப்பலொன்றைப் பொறுப்பேற்று வருவதற்காக சென்ற இலங்கை கடற்படையைச் சேர்ந்த ஒன்பது வீரர்கள் கப்பலில் இருந்து தப்பித் தலைமறைவாகியுள்ளதாக உத்தியோகபூர்வ தரப்பை மேற்கோள் காண்பித்து எக்கனமிநெக்ஸ்ட் இணையத்தளம் செய்திவெளியிட்டுள்ளது.

கடற்படையில் பல்வேறு பதவிநிலைகளைவகிக்கும் 27 முதல் 36வயது வரையான ஒன்பது பேரே இவ்வாறு தலைமறைவாகியுள்ளனர். பொருளாதார நெருக்கடியில் சிக்கித்தவிக்கும் இலங்கையில் இருந்து கடந்த சில மாதகாலப்பகுதியில் படகுமூலம் சட்டவிரோதமாக பலரும் தப்பிச் செல்ல முனைந்துகொண்டிருக்கும் நிலையில் அதனைத் தடுக்க முன்னரங்க காவலராக காணப்படும் கடற்படையைச் சேர்ந்தவர்களே அமெரிக்காவில் தலைமறைவாகியிருப்பது நிலைமையின் பாரதூரத்தைக் காண்பிப்பதாக அமைந்துள்ளது.

அமெரிக்காவினால் அன்பளிப்பாக வழங்கப்பட்ட கப்பலைக்கொண்டுவருவதற்கு கடற்படையைச் சேர்ந்த பெரும் குழாமொன்று சென்றிருந்தது ‘ என உத்தியோகபூர்வ வட்டாரங்கள் உறுதிப்படுத்தியதாக அந்த இணையத்தளம் செய்திவெளியிட்டுள்ளது. அந்தக் குழாமிலிருந்து ஒன்பது பேர் காணாமல் போயுள்ளனர்.

இலங்கையைச் சேர்ந்த கடற்படையினர் குழாமொன்று அமெரிக்கவிலுள்ள சகாக்களுடன் பயிற்சிகளைப் பெற்றபின்னர் அமெரிக்காவினால் அன்பளிப்பாக வழங்கப்பட்ட P-627 என்ற கப்பலில் நாடுதிரும்பவிருந்தனர். இந்தக்கப்பல் முன்னர் அமெரிக்க கரையோர காவற்படையினரால் பயன்படுத்தப்பட்ட கப்பலாகும் என அமெரிக்க தூதரக வட்டாரங்களை மேற்கோள்காட்டி எக்கனமி நெக்ஸ்ட் மேலும் செய்தி வெளியிட்டுள்ளது. ” கடற்படையைச் சேர்ந்த பலர் பயிற்சிகளுக்கு சமூகமளிக்கத்தவறியதாக அறிகின்றோம். இந்தவிடயம் தொடர்பில் சட்ட நடவடிக்கை எடுப்பதற்காக உரியதரப்பிற்கு அறிவுறுத்தியுள்ளோம்’ என அமெரிக்க தூதரகப் பேச்சாளர் எக்கனமி நெக்ஸ்ட் இணையத்தளத்திற்கு தெரிவித்துள்ளார்.

அமெரிக்க குடிவரவு சட்டங்களை மீறுகின்றவர்கள் கைதுசெய்யப்படவோ தடுத்துவைக்கப்படவோ அன்றேல் நாடுகடத்தப்படவோ முடியும் என்பதுடன் அமெரிக்காவில் சட்டவிரோதமாக தங்கியிருந்தால் பத்துவருட காலங்கள் வரையில் அங்கு வருவதற்கு அனுமதிக்கப்படமாட்டார்கள் .இலங்கை அரசாங்கம் அரச சடையினர் மற்றும் மக்களுடனான தொடர்ச்சியான பிணைப்பை அமெரிக்கா பெறுமதிமிக்கதாகக் கருதுகின்றது. இந்த நெருக்கடியான காலப்பகுதியில் தாராளமயமான மனிதாபிமான உதவிகளையும் அபிவிருத்தி உதவிகளையும் இராணுவப் பயிற்சிகளையும் அமெரிக்கா வழங்கும்.”என அமெரிக்க தூதரகப் பேச்சாளர் எக்கனமி நெக்ஸ்ட் இணையத்தளத்திற்கு தெரிவித்துள்ளார்.

அமெரிக்க கரையோர காவற்படைக்கு சொந்தமாக இருந்த டக்ளஸ் முன்ரோ என்ற கப்பல் இலங்கைக் கடற்படைக்கு அன்பளிப்பாக வழங்கப்படுவதாக  அறிவிக்கப்பட்டபின்னர் அதன் பெயர் P-627என மாற்றப்பட்டது. 180ற்கும் அதிகமானவர்களை ஏற்றிச்செல்லக்கூடிய இந்தக்கப்பல் இலங்கைக்கு கொண்டுவரமுன்பாக மீள்புதுப்பிப்பு பணிகளுக்குட்படுத்தப்பட்டிருந்தமை குறிப்பிடத்தக்கது.

தற்போது தலைமறைவாகியிருக்கும் கடற்படையைச் சேர்ந்த ஒன்பது பேரும் Rim of the pacific (RIMPAC0) Exercise 2022 என்ற பயிற்சிப்பாசறையில் பங்கேற்பதற்காக கடந்த ஜுன்மாதம் 4ம் திகதி பண்டாரநாயக்க சர்வதேச விமான நிலையத்தில் இருந்து சென்றிருந்த 50 பேர் கொண்ட கடற்படைக் குழாமின் ஒருபகுதியினராவர்.

அமெரிக்க கடற்படையின் பசுபிக் படையணியினால் ஏற்பாடுசெய்யப்பட்ட பயிற்சிப்பாசறைக்காக ரோயல் அவுஸ்திரேலிய விமானப்படையினரால் ஒழுங்குசெய்யப்பட்ட விசேட விமானத்தில் அவுஸ்திரேலியா சென்று அங்கு இரண்டுவாரகாலப்பயிற்சிகளை முடித்துக்கொண்டு அங்கிருந்து அமெரிக்காவிற்கு புறப்பட்டுச்சென்றிருந்தனர்.

இந்தப்பயிற்சிப் பாசறை ஜுன் 29ம்திகதி முதற்கொண்டு ஓகஸ்ட் 4ம் திகதிவரை நடைபெறுகின்றமை குறிப்பிடத்தக்கது. ( நன்றி எக்கனமி நெக்ஸ்ட் இணையத்தளம் )