அரசு ஊழியர்களுக்கு சம்பளம் கொடுக்க பணமில்லை!

அரசாங்க ஊழியர்களின் மாதாந்த சம்பளத்தை கூட வழங்குவதற்கு அரசாங்கம் போதிய வருமானம் பெறுவதில்லை எனவும் அமைச்சர் பந்துல குணவர்தன குறிப்பிடுகின்றார்.

சர்வதேச நாணய நிதியத்தின் ஊடாக மேற்கொள்ளப்படும் கடன் மறுசீரமைப்பு வேலைத்திட்டம் காரணமாக பணத்தை வார்ப்பு செய்வதற்கும் சாத்தியமில்லை என அமைச்சர் தெரிவித்தார்.

பாராளுமன்றத்தில் வாய்மூல பதில்களை எதிர்பார்த்து எழுப்பப்பட்ட கேள்விக்கு பதிலளிக்கும் போதே அவர் இவ்வாறு தெரிவித்தார்.

“தற்போதைய பொருளாதார நெருக்கடியில், அரசாங்கத்தின் மாதச் சம்பளக் கட்டணத்தைக் கூட கட்டுவதற்குப் போதிய வருமானம் கிடைக்கவில்லை. இந்தச் சபையில் நாம் பேச வேண்டிய விடயம் என்னவெனில், அரச வருமானம் மிகவும் தேக்கமடைந்துள்ள காரணத்தினால், இவ்வருடம் செலுத்த முடியாத அளவுக்கு அதிகமான கொடுப்பனவுகள் எங்களிடம் உள்ளது.

உதாரணமாக, வீதி அபிவிருத்தி அதிகாரசபையின் பூர்த்தி செய்யப்பட்ட பணிகளுக்காக என்னிடம் 100 பில்லியன் பில்கள் உள்ளன. அவர்கள் படும் சிரமம் எங்களுக்குப் புரிகிறது. ஏனென்றால், கடன் மற்றும் வங்கி வட்டி போன்றவற்றின் மூலம் ஒப்பந்தங்கள் செய்யப்பட்டுள்ளன.

இந்தக் கடனை மறுசீரமைப்பதற்கான ஒரு திட்டத்தை நாங்கள் செயல்படுத்தும்போது, ​​நிதித் தவறு இருப்பதாகக் கூறினால், அந்த முன்மொழிவுகளைத் தொடர முடியாது என்றும் அவர் கூறியுள்ளார்.