பிரபல தொழிலதிபர் தினேஷ் ஷாஃப்டர் படுகொலை செய்யப்பட்ட சம்பவம் தொடர்பான நீதவான் விசாரணை ஜனவரி 04 ஆம் திகதி ஒத்திவைக்கப்பட்ட பின்னர் இன்று (ஜனவரி 10) மீண்டும் விசாரணைகள் இடம்பெற்றன.
அதற்கமைய, உயிரிழந்தவர்களின் உறவினர்கள் விடுத்த கோரிக்கைக்கு அமைய, கொழும்பு மேலதிக நீதவான் ரஜீந்திர ஜயசூரியவின் அறையில் மீண்டும் விசாரணைகள் இன்று இடம்பெற்றன.
குற்றப் புலனாய்வுத் திணைக்களத்தின் (சிஐடி) அதிகாரிகளின் வழிகாட்டுதலின் கீழ், சடலத்தை அடையாளம் கண்ட ஷாஃப்டரின் சகோதரரிடமிருந்து சாட்சியங்கள் பதிவு செய்யப்பட்டன. மேலும் சாட்சியங்களின் விசாரணை ஜனவரி 13ஆம் திகதிக்கு ஒத்திவைக்கப்பட்டது.
ஆரம்பத்தில் திறந்த நீதிமன்றத்திற்கு அழைக்கப்பட்ட போதிலும், மறைந்த ஷாஃப்டரின் உறவுகளின் கோரிக்கையின் பேரில், ஜயசுந்தரவின் அறையில், ஜனவரி 04 ஆம் திகதி நீதவான் விசாரணை ஆரம்பிக்கப்பட்டது.
முதல் விசாரணையில், சம்பவ இடத்தில் பத்திரிகையாளர்கள் யாரும் இல்லாத நிலையில், இறந்தவரின் மனைவி மற்றும் செயல் அதிகாரி என அடையாளம் காணப்பட்ட இருவரிடமும் சான்றுகள் பதிவு செய்யப்பட்டன.
52 வயதான ஜனசக்தி பிஎல்சி பணிப்பாளர் 2022 டிசம்பர் 15 அன்று பொரளை மயானத்தில் அவரது காரின் ஓட்டுனர் இருக்கையில் கட்டப்பட்ட நிலையில் காணப்பட்டார். பின்னர் கொழும்பில் உள்ள தேசிய மருத்துவமனையின் ICU இல் சிகிச்சை பெற்று வந்த நிலையில் உயிரிழந்தார்.