உலகளாவிய பயண ஊடக நிறுவனமான லோன்லி பிளானெட், 2026 ஆம் ஆண்டுக்கான உலகின் சிறந்த 25 பயண இடங்களை அறிவித்துள்ளது. இதில், யாழ்ப்பாணம் இடம்பிடித்துள்ளமை சிறப்பம்சமாகும்.
கலாச்சாரப் பாரம்பரியமும் சுற்றுலா அனுபவத்திலும் சிறந்த இடமாகக் கௌரவிக்கப்பட்ட யாழ்ப்பாணம், கடந்த சில ஆண்டுகளில் ஆயிரக்கணக்கான சுற்றுலாப் பயணிகளை ஈர்த்துள்ளது.
இந்த தேர்வு இலங்கையின் சமூக மற்றும் வரலாற்று பாரம்பரியத்தின் வளத்தை மீண்டும் வலியுறுத்தும் வகையில் உள்ளது. இதன் மூலம், நாட்டை உலகின் மிகவும் விரும்பப்படும் சுற்றுலா இடங்களில் ஒன்றாக மாற்றுவதற்கான முயற்சிகளை அரசு முன்னெடுக்க உதவும் என எதிர்பார்க்கப்படுகிறது.
லோன்லி பிளானெட் தனது “Best in Travel 2026” என்னும் புதிய கையேட்டில், 2026 இல் செல்ல வேண்டிய இடங்கள் மற்றும் செய்ய வேண்டிய அனுபவங்களை பரிந்துரைத்துள்ளது. இதில் உலகளாவிய 25 முக்கிய இடங்களும், 25 அவசியமான அனுபவங்களும், நிறமுள்ள புகைப்படங்கள், கட்டுரைகள் மற்றும் உள்ளூர் வழிகாட்டுதல்களுடன் அடையாளம் காட்டப்பட்டுள்ளன.
1970 இல் நிறுவப்பட்ட லோன்லி பிளானெட், உலகின் நம்பகமான பயண ஊடக நிறுவனங்களில் ஒன்றாக, உலகம் முழுவதும் 1.5 கோடி கையேடுகள் விற்பனையிலிருப்பதுடன், விரிவான டிஜிட்டல் பங்களிப்பையும் கொண்டுள்ளது.