Sunday, 15 November 2026
நாணய மாற்று 🍁 1 CAD
  • Rs LKR 233.55 ■ 0.00%
  • ₹ INR 66.05 ■ 0.00%
  • $ USD 0.7013 ■ 0.00%
  • € EUR 0.6356 ■ 0.00%
  • £ GBP 0.5305 ■ 0.00%
  • A$ AUD 1.0336 ■ 0.00%
புதுப்பிப்பு: 2026-11-15 08:06
வானிலை
5°C
தெளிவான வானம்
▲ 7° ▼ 1°
  • உணர்வு0°
  • ஈரப்பதம்69%
  • காற்று17 km/h
அண்மைச் செய்திகள்
ரொனால்டோவுக்கு போர்த்துக்கல் அளிக்கும் அபூர்வ கௌரவம் – இனி 7ஆம் இலக்கம் கூட மாறுகிறது! தமிழ்த் தேசிய அரசியலின் துணிச்சலான குரல் ஓய்ந்தது! – முன்னாள் நாடாளுமன்ற உறுப்பினர் சிவாஜிலிங்கம் நள்ளிரவு காலமானார் 74 நாடுகள் மற்றும் பிரதேசங்களில் மைக்ரோசொப்ட் சேவைத் தடை — ரொறன்ரோ மருத்துவமனைகளிலும் மின்னஞ்சல் பாதிப்பு ஜென்சன் ஹுவாங் குறித்த செய்தியால் கவனம் பெற்ற கிம்பர்லி பவல் யார்? ஆர்க்டிக் பகுதியில் எண்ணெய், எரிவாயு அகழ்வுக்கு தடை – நீக்குவது குறித்து இன்னும் முடிவில்லை ; மார்க் கார்னி கனடா முழுவதும் போர் வீரர்களை நினைவுகூரும் நிகழ்வுகள் நான்கு நாடுகளுக்கு பயணமாகும் பிரதமர் மார்க் கார்னி பிரிட்டிஷ் கொலம்பியாவில் கடும் மழை பெய்யுமென எச்சரிக்கை LNG எரிவாயுத் திட்டங்களில் முதலீடு செய்ய வேண்டாம் – கனடாவின் ஆறு முக்கிய ஓய்வூதிய நிதிகளுக்கு சட்ட எச்சரிக்கை கனடாவின் புதிய வரவு செலவுத் திட்டம் : பொருளாதாரத்தை வலுப்படுத்த 142.1 பில்லியன் டொலர் ஒதுக்கீடு

LNG எரிவாயுத் திட்டங்களில் முதலீடு செய்ய வேண்டாம் – கனடாவின் ஆறு முக்கிய ஓய்வூதிய நிதிகளுக்கு சட்ட எச்சரிக்கை

பகிர்FacebookWhatsAppXTelegram

கனடாவின் முக்கிய ஓய்வூதிய நிதிகள் திரவ இயற்கை எரிவாயு (LNG) திட்டங்களில் முதலீடு செய்வது தொடர்பில் சுற்றுச்சூழல் அமைப்பொன்று சட்ட எச்சரிக்கை விடுத்துள்ளது.

கனடாவின் சுற்றுச்சூழல் செயற்பாட்டு அமைப்பான Stand.earth, பிரபல சட்ட நிறுவனத்தின் ஊடாக ஆறு முக்கிய ஓய்வூதிய நிதிகளின் நிர்வாகிகளுக்கு இந்த எச்சரிக்கைக் கடிதத்தை அனுப்பியுள்ளது.

கனடா ஓய்வூதியத் திட்ட முதலீட்டுச் சபை (CPPIB), பொதுத்துறை ஓய்வூதிய முதலீட்டுச் சபை (PSP Investments), ஒன்டாரியோ நகராட்சி ஊழியர் ஓய்வூதியத் திட்டம் (OMERS), ஒன்டாரியோ ஆசிரியர் ஓய்வூதியத் திட்டம், பல்கலைக்கழக ஓய்வூதியத் திட்டம் மற்றும் ஒன்டாரியோ சுகாதாரப் பணியாளர் ஓய்வூதியத் திட்டம் ஆகிய ஆறு அமைப்புகளுக்கே இந்த எச்சரிக்கை விடுக்கப்பட்டுள்ளது.

LNG கனடா, Ksi Lisims LNG உள்ளிட்ட பாரிய இயற்கை எரிவாயுத் திட்டங்களில் நேரடியாகவோ அல்லது தனியார் முதலீட்டு நிதிகள் ஊடாகவோ முதலீடு செய்வதைத் தவிர்க்குமாறு அந்த அமைப்பு வலியுறுத்தியுள்ளது.

இத்தகைய முதலீடுகள் காலநிலை மாற்றம், சுற்றுச்சூழல் பாதிப்புகள், பழங்குடியின மக்களின் உரிமைகள் மற்றும் நீண்டகால நிதி அபாயங்கள் உள்ளிட்ட பிரச்சினைகளை ஏற்படுத்தக்கூடும் என எச்சரிக்கப்பட்டுள்ளது.

குறிப்பாக, முதலீடுகளால் ஏற்படக்கூடிய அபாயங்கள் குறித்து முறையான மற்றும் வெளிப்படையான மதிப்பீடுகள் மேற்கொள்ளப்படாவிட்டால் ஓய்வூதிய நிதிகளின் நிர்வாகிகள் சட்ட நடவடிக்கைகளுக்கு முகங்கொடுக்க நேரிடலாம் என சட்ட எச்சரிக்கைக் கடிதத்தில் சுட்டிக்காட்டப்பட்டுள்ளது.

இதற்கிடையில், அமெரிக்காவின் பிளாக்ஸ்டோன் (Blackstone) தலைமையிலான முதலீட்டுக் குழுவுடன் இணைந்து நான்கு கனேடிய ஓய்வூதிய நிதிகள் LNG கனடா திட்டத்தில் முதலீடு செய்ய இணக்கம் தெரிவித்துள்ளன.

இதற்காக 3.1 பில்லியன் அமெரிக்க டொலர் முதலீட்டில் மிட்சுபிஷி நிறுவனத்தின் LNG கனடா திட்டப் பங்குகளைக் கொண்ட துணை நிறுவனத்தில் 49.9 சதவீத பங்குகளைப் பெறுவதற்கான ஒப்பந்தம் அறிவிக்கப்பட்டுள்ளது.

இந்த முதலீட்டுத் திட்டம் தொடர்பில் சுற்றுச்சூழல் அமைப்புகள் கடும் கவலை வெளியிட்டுள்ள நிலையில், ஓய்வூதிய நிதிகளின் முதலீட்டு முடிவுகள் தொடர்பான சட்ட மற்றும் சுற்றுச்சூழல் விவாதங்கள் தீவிரமடைந்துள்ளன.

இதேவேளை, பொதுத்துறை ஓய்வூதிய முதலீட்டுச் சபை (PSP Investments), குறித்த முதலீடுகள் தொடர்பான அபாயங்கள் குறித்து சுற்றுச்சூழல் அமைப்பு முன்வைத்துள்ள கருத்துகளுடன் தாம் உடன்படவில்லை எனத் தெரிவித்துள்ளது.

ஓய்வூதிய நிதிகளின் முதலீட்டு முடிவுகள், தமக்குப் பொருந்தும் சட்டக் கடமைகளுக்கு அமைவாகவும், பயனாளர்களின் நலனைக் கருத்திற்கொண்டும் மேற்கொள்ளப்படுவதாகவும் அந்த அமைப்பு விளக்கமளித்துள்ளது.

உங்கள் கருத்து

Your email address will not be published. Required fields are marked *