கனடாவில் முதலாம் மற்றும் இரண்டாம் உலகப் போர்கள் உள்ளிட்ட பல்வேறு போர்களில் உயிரிழந்த படைவீரர்களை நினைவுகூரும் வகையில் இன்று (11) நாடு முழுவதும் நினைவேந்தல் நிகழ்வுகள் இடம்பெறுகின்றன.
கனடாவின் வரலாற்றில் முக்கிய இடம்பிடித்துள்ள இந்த நினைவேந்தல் தினத்தில், நாட்டின் பாதுகாப்புக்காகப் பணியாற்றிய படைவீரர்களின் தியாகங்கள் நினைவுகூரப்படுகின்றன.
குறிப்பாக, ஆப்கானிஸ்தான் போரில் பணியாற்றிய சுமார் 40,000 கனேடியப் படையினருக்கும், அந்தப் போரில் உயிரிழந்த 159 வீரர்களுக்கும் இம்முறை விசேட அஞ்சலி செலுத்தப்படுகிறது.
ஒட்டாவாவில் உள்ள தேசிய போர் நினைவுச் சின்னத்தில் நடைபெறும் தேசிய நினைவேந்தல் நிகழ்வில் கனடா பிரதமர் மார்க் கார்னி, ஆளுநர் நாயகம் லூயிஸ் ஆர்பர் உள்ளிட்ட முக்கிய பிரமுகர்கள் மலர்வளையம் வைத்து அஞ்சலி செலுத்துகின்றனர்.
அத்துடன், நாடு முழுவதிலும் உள்ள பல்வேறு நகரங்களில் படைவீரர்கள், முன்னாள் படையினர் மற்றும் பொதுமக்களின் பங்கேற்புடன் நினைவேந்தல் நிகழ்வுகள் நடைபெறுகின்றன.
கனடாவின் ஆப்கானிஸ்தான் போரில் படையினர் ஈடுபடத் தொடங்கி 25 ஆண்டுகள் நிறைவடைவதையும் இவ்வாண்டு நினைவுகூருகின்றமை குறிப்பிடத்தக்கது.



