பதுளை மாவட்டத்தில் மண்சரிவு அபாயம் அதிகரித்ததன் காரணமாக, மேலும் 238 குடும்பங்களைச் சேர்ந்த 806 பேர் தங்களது வீடுகளில் இருந்து அவசரமாக வெளியேற்றப்பட்டுள்ளதாக மாவட்ட செயலாளர் பிரபாத் அபேவர்தன தெரிவித்தார்.
வடகிழக்கு பருவமழையின் தாக்கத்தால் தொடர்ந்து மழை பெய்து வருவதுடன், தேசிய கட்டிட ஆய்வு நிறுவனத்தின் பரிந்துரையின் பேரில் இந்த முன்னெச்சரிக்கை நடவடிக்கை மேற்கொள்ளப்பட்டதாக அவர் குறிப்பிட்டார். சம்பந்தப்பட்ட நபர்கள் நேற்று (10) பாதுகாப்பான இடங்களுக்கு மாற்றப்பட்டனர்.
பதுளை மாவட்டத்தின் 15 பிரதேச செயலாளர் பிரிவுகளில் 14 ஏற்கனவே பாதிக்கப்பட்டிருந்த நிலையில், இதற்கு முன்பு பாதிக்கப்படாத ரிதீமாலியத்த பிரதேசமும் இப்போது அபாயப் பிரிவில் சேர்க்கப்பட்டுள்ளதாக அதிகாரிகள் தெரிவித்தனர்.
அபாயம் அதிகமான பகுதிகள் :
-
களுக்கேலே மலை – ஏற்பட்ட மண்சரிவால் 50 குடும்பங்களைச் சேர்ந்த 129 பேர் பாதுகாப்பு மையங்களுக்கு மாற்றப்பட்டனர்.
-
சொர்ணாதோட்ட பிரிவு – 60 குடும்பங்கள், 157 பேர்
-
ஊவா பரணகம பிரிவு – 40 குடும்பங்கள், 127 பேர்
-
ரிதீமாலியத்த பிரிவு – 50 குடும்பங்கள், 139 பேர்
-
மீகஹாகிவுல பிரிவு – 35 குடும்பங்கள், 158 பேர்
-
ஹாலி-எல பிரிவு – 18 குடும்பங்கள், 87 பேர்
-
எல்ல பிரிவு – 34 குடும்பங்கள், 148 பேர்
மொத்தம் 238 குடும்பங்களைச் சேர்ந்த 806 பேர் தற்போது தற்காலிக பாதுகாப்பு மையங்களில் தங்கவைக்கப்பட்டுள்ளதாக மாவட்ட செயலாளர் மேலும் தெரிவித்தார்.