Article Top Ad
பெருந்தோட்டத் தொழிலாளர்களின் சம்பளத்தை 1,750 ரூபாவாக உயர்த்துவதற்கான ஒப்பந்தம் இன்று (30) பெருந்தோட்ட மற்றும் சமூக உட்கட்டமைப்பு அமைச்சில் கைச்சாத்திடப்பட்டது.
நிகழ்வில் அமைச்சின் செயலாளர் பிரபாத் சந்திரகிர்த்தி, சம்பள நிர்ணய சபையின் அதிகாரிகள் மற்றும் பிற நிர்வாகிகள் கலந்து கொண்டனர். 2026 ஆம் ஆண்டிற்கான வரவு செலவுத் திட்டத்தை சமர்ப்பிக்கும் போது, ஜனாதிபதியினால் பெருந்தோட்டத் தொழிலாளர்களுக்கான சம்பள உயர்வை முன்னெடுக்க நடவடிக்கை எடுக்கப்பட்டது.
அதன்படி, அடிப்படை சம்பளத்தை 1,350 ரூபாவிலிருந்து 1,550 ரூபாவாக 200 ரூபாய் உயர்த்தி, வருகைக்கான கொடுப்பனவாக கூட 200 ரூபாவை அரசாங்கம் வழங்க ஒப்புதல் வழங்கப்பட்டது.
இச்சம்பள உயர்வுக்காக வரவு செலவுத் திட்டத்தில் 5,000 மில்லியன் ரூபாய் நிதி ஒதுக்கப்பட்டுள்ளதையும் குறிப்பிடத்தக்கது.