2026 ஆம் ஆண்டில் ஐரோப்பா முழுவதும் ரயில் போக்குவரத்தில் பெருமளவிலான சேவை தடைகள் உருவாகியுள்ளதாக ரயில்வே அதிகாரிகள் தெரிவித்துள்ளனர்.
பல்வேறு தொழில்நுட்ப கோளாறுகள், பராமரிப்பு பணிகள், பணியாளர் பற்றாக்குறை மற்றும் சில இடங்களில் தொழிற்சங்க நடவடிக்கைகள் ஆகிய காரணங்களால் இந்த சிக்கல்கள் ஏற்பட்டுள்ளதாகவும் கூறியுள்ளனர்.
இந்த பாதிப்புகள் பிரான்ஸ், ஜேர்மனி, பெல்ஜியம் உட்பட பல ஐரோப்பிய நாடுகளிலும் காணப்படுவதுடன் பிரித்தானியாவிலும் பயணிகள் பெரும் சிரமங்களை எதிர்கொண்டு வருகிறார்கள்.
குறிப்பாக ரயில் சேவைகளில் தாமதங்கள், சேவை ரத்து போன்ற பிரச்சினைகள் தொடர்ச்சியாக பதிவாகி வருகின்றன.
இந்த நிலைமை காரணமாக தினசரி பணிக்குச் செல்லும் ஆயிரக்கணக்கான பயணிகளும், சுற்றுலாப் பயணிகளும் தங்களின் பயணத் திட்டங்களை மாற்ற வேண்டிய சூழ்நிலை உருவாகியுள்ளது.
மேலும், சில நகரங்களில் ரயில் நிலையங்களில் பயணிகள் நெரிசலும் அதிகரித்துள்ளதாக தெரிவிக்கப்படுகிறது.
ஐரோப்பா முழுவதும் ஏற்பட்டுள்ள இந்தப் பிரச்சினைக்கு தீர்வுகாண போக்குவரத்து அதிகாரிகள் கூடுதல் சேவைகள், பராமரிப்பு பணிகளை விரைவுபடுத்துதல் மற்றும் மாற்று போக்குவரத்து வசதிகளை ஏற்படுத்துதல் போன்ற நடவடிக்கைகளை மேற்கொண்டு வருவதாக கூறப்பட்டுள்ளது.
இருப்பினும், முழுமையான சீரமைப்பு ஏற்பட சில காலம் எடுக்கும் எனவும் அதிகாரிகள் தெரிவித்துள்ளனர்.